10 stöður lausar til framboðs, kynntu þér málið og ekki vera
feimin/n við að spyrja núverandi stjórn um það sem þig langar að vita.
Kosningar fara fram í árshátíðarvikunni 13.-18. apríl
og lýkur skráningu í framboð föstudaginn 30. mars.

Umsóknarblöð við skrifstofu NFS.

Embætti sem laus eru til framboðs:

AÐALSTJÓRN

Formaður

a) Formaður N.F.S. kemur fram fyrir hönd félagsins og gætir hagsmuna þess út á við.
b) Formaður N.F.S. hefur yfirumsón með starfsemi N.F.S. í samráði við aðalstjórn félagsins.
c) Formaður N.F.S. sér um boðun almennra félagsfunda og stjórnun þeirra, en má þó skipa fundarstjóra úr hópi fundarmanna í sinn stað.
d) Formaður er annar tveggja nemenda í skólaráði.
e) Formaður er fulltrúi nemenda í skólanefnd.
f) Formaður skal vera orðin 18 ára og hafa lokið 80 einingum við framhaldsskóla, og geta sýnt fram á eðlilega námsframvindu. Þá skal
formaður hafa þekkingu á félagsstörfum.
g) Formaður skal annast greiðslur og fjárveitingar úr nemendasjóði í fjarveru gjaldkera.
h) Formaður ásamt gjaldkera þurfa að samþykkja öll útgjöld N.F.S.
i) Ef stjórnameðlimur er ekki að standa sig að mati formanns eða gerist brotlegur við skólareglur, má formaður víkja viðkomandi úr stjórn eftir
að hafa ráðfært sig við skólameistara.
j) Formaður stýrir miðstjórnarfundi N.F.S

Varaformaður

a) Varaformaður gegnir störfum formanns í forföllum hans.
b) Varaformaður situr í þemadaganefnd.
c) Varaformaður er tengiliður stjórnar N.F.S. við öll félög innan N.F.S.
d) Varaformaður er ferðamálafulltrúi N.F.S.
e) Varaformaður er formaður árshátíðarnefndar.
c) Varaformaður skal sjá um að ritaðar séu fundargerðir stjórnarfunda, funda með tengiliðum við kennara og félagsfunda.
d) Varaformaður skal halda fundargerðabók sem skal vera öllum opin.
e) Varaformaður er formaður kjörstjórnar kosninga N.F.S..

Gjaldkeri

a) Gjaldkeri skal hafa yfirumsjón með öllum fjárreiðum N.F.S.
b) Gjaldkeri skal hafa yfirumsjón með innheimtu félagsgjalda N.F.S.
c) Gjaldkeri skal annast allar greiðslur og fjárveitingar úr nemendasjóði í samráði við nemendastjórn.
d) Gjaldkeri skal færa bókhald N.F.S. og halda eignaskrá.
e) Gjaldkeri skal leggja fram reikninga til endurskoðunar í lok uppgjörstímabils eða að kröfu stjórnar N.F.S., eða félagsfundar.
f) Gjaldkeri skal leggja fram skriflega skýrslu og reikninga á félagsfundi eftir lok tímabilsins.
g) Þegar nýr gjaldkeri tekur við embætti skal fráfarandi gjaldkeri afhenda honum öll bókhaldsgögn að flutningi skýrslu.
h) Gjaldkeri sér um fjármál allra nefnda.
i) Gjaldkeri skal vera orðinn 18 ára og hafa lokið við bókfærslu 103 og 203. Einnig þarf gjaldkeri að hafa lokið 80 einingum við
framhaldsskóla, og geta sýnt fram á eðlilega námsframvindu.
j) Gjaldkeri skal leggja fram uppgjör hvers mánaðar fyrir stjórn N.F.S. á fyrsta fundi hvers mánaðar.
k) Gjaldkeri ásamt formanni þurfa að samþykkja öll útgjöld N.F.S.

Framkvæmdastjóri

a) Framkvæmdastjóri hefur yfirumsjón með starfsemi skemmtinefndar, íþróttaráðs, Vox Arena og Tækninefndar í samráði við Aðalstjórn N.F.S..
b) Framkvæmdastjóri situr í árshátíðarnefnd.
c) Framkvæmdastjóri situr í þemadaganefnd.
d) Framkvæmdastjóri skal hafa lokið þrem önnum í námi á framhaldsskólastigi.

Markaðsstjóri

a) Markaðsstjóri skal hafa yfirumsjón með allri þeirri markaðssetningu og kynningu sem snýr að N.F.S.
b) Markaðsstjóri skal sjá um að útbúa félagsskírteini fyrir alla meðlimi N.F.S.
c) Markaðsstjóri skal sjá um styrkveitingar og –beiðnir í samráði við stjórn N.F.S.
d) Markaðsstjóri skal hafa yfirumsjón með auglýsingamálum N.F.S. í samráði við stjórn N.F.S.
e) Markaðsstjóri ræður 4 meðlimi í N.F.S., úr hópi umsækjenda, sér til aðstoðar í markaðsnefnd. Einn þeirra skal valinn úr hópi nýnema.
e) Markaðsstjóri hefur yfirumsjón með vefnefnd og auglýsinganefnd N.F.S. og þannig yfirmaður heimasíðu félagsins.

MIÐSTJÓRN

Formaður skemmtinefndar

a) Formaður skemmtinefndar hefur yfirumsjón með skemmtinefnd og ber ábyrgð á starfsemi hennar.
b) Starfsvið skemmtinefndar er að sjá um dansleiki, tónleika, spilakvöld, skemmtikvöld og jólahátíð á vegum félagsins.
c) Skemmtinefnd sér um árshátíð N.F.S. í samvinnu við árshátíðarnefnd.
d) Skemmtinefnd tekur virkan þátt í þemadögum í samvinnu við þemadaganefnd.

Íþróttameistari

a) Íþróttameistari hefur yfirumsjón með starfsemi íþróttaráðs og ber ábyrgð á starfsemi hennar.
b) Íþróttaráð skal sjá um framkvæmd allra íþróttamóta og íþróttahátíða á vegum N.F.S..

Ritstjóri

a) Ritstjóri hefur yfirumsjón með starfsemi ritstjórnar og ber ábyrgð á útgáfu Vizkustykkis á hverri önn.
b) Skólablaðið birtir fréttir af skólalífinu jafnframt því sem það er vettvangur lista- og þjóðfélagsumræðu í víðustu merkingu.

Formaður Málfundafélagsins Kormáks

a) Formaður Málfundafélagsins Kormáks hefur yfirumsjón með Málfundafélaginu Kormáki og ber ábyrgð á starfsemi félagsins.
b) Málfundafélagið Kormákur gætir hagsmuna Gettu betur- og MORFÍs-liða skólans og hefur yfirumsjón með allri starfsemi sem tengist þáttöku skólans í viðkomandi keppnum.
c) Málfundafélagið skal standa fyrir innanskólaræðukeppni.
d) Málfundafélagið skal standa fyrir innanskólaspurningakeppni.

Inspector Vox Arena

a) Inspector Vox Arena hefur yfirumsjón með Vox Arena og ber ábyrgð á starfsemi nefndarinnar.
b) Vox Arena er listaráð N.F.S. og sér um skipulagningu leiksýninga, söngleikja, ljósmyndasýninga, myndlistarsýninga og alls þess sem list getur talist.

Frumsýning föstudaginn 16.mars kl. 20.00

2 .sýning sunnudaginn 18. mars kl. 20.00

3. sýning miðvikudaginn 21. mars kl. 20.00

4. sýning fimmtudaginn 22. mars kl. 20.00

5. sýning laugardaginn 24. mars kl 20.00

6. sýning sunnudaginn 25. mars kl 20.00

Sýnt er í Frumleikhúsinu Vesturbraut 17.

Miðapantanir í síma 421-2540
Miðasalan opnuð kl. 19.00 sýningardagana.
Miðaverð 2000 kr.

Ritstjórn er komin á fullt með að skipuleggja næsta Vizkustykki og væri ekki leiðinlegt að fá uppástungur frá ykkur, nemendur kærir.

Við erum komin með Facebook síðu og viljum sjá sem flesta vera með á henni svo að þið missið ekki af einu augnabliki af gamani! Hægt er að senda nafnlausar hugmyndir, sögur eða bara kveðjur á formspring ritstjórnar sem hægt er að sjá á síðunni.

http://www.facebook.com/pages/Vizkustykki/222772704418614

Þið eruð yndisleg!

Skráningarblöð liggja fyrir framan skrifstofu NFS. Skráningarfrestur er til og með föstudagsins 10. febrúar.
Nánari upplýsingar um keppnina má fá á solvi@nfs.is.

https://www.facebook.com/events/364485376911213/

Verið er að skoða leikstjóramál en ljóst er að margir hafa áhuga. Á fimmtudagskvöldið, fimmtud. 19. janúar kl. 20.00, verður haldinn kynningarfundur í Frumleikhúsinu fyrir alla þá sem áhuga hafa á að taka þátt. Eina skilyrðið er að vera orðinn 16 ára og hafa áhuga á leikhússtarfi.

Félög þessi unnu síðast saman fyrir einu og hálfu ári síðan en þá var sýndur söngleikurinn „Slappaðu af“ í leikstjórn Valgeirs Skagfjörð. Meðal verka sem nefnd hafa verið nú er söngleikur unnin upp úr myndinni „Með allt á hreinu“ sem Stuðmenn gerðu ódauðlega á sínum tíma en lög þeirrar myndar óma enn á öldum ljósvakans. Þá hafa einnig komið til tals verk eins og „Footloose“, „Litla hryllingsbúðin“ ofl.

Það mun svo upplýsast á fundinum á fimmtudagskvöld hvaða verk verður endanlega fyrir valinu og eins hvaða leikstjóri verður svo heppinn að fá að vinna við þessa uppsetningu. Stjórnir félaganna beggja hvetja alla áhugasama til að koma á fundinn og fá nánari upplýsingar á því sem framundan er í leikhúslífi bæjarins.

Við getum þó verið stolt af árangri liðsins, þau stóðu sig með einstakri prýði. Ræðumaður kvöldins var Arnar Már Eyfells með 518 stig. Fast á hæla honum kom Njáll Skarphéðinsson með 513 stig. Við áttum því tvo bestu ræðumenn kvöldins en það dugði ekki til í þetta skiptið.

Lið FS var skipað eftirfarandi:
Liðsstjóri: Lilja Björg Jökulsdóttir
Frummælandi: Njáll Skarphéðinsson
Meðmælandi: Andri Steinn Harðarson
Stuðningsmaður: Arnar Már Eyfells

Þjálfari liðsins var Guðmundur Egill Árnason

Hér má skoða dómblað keppninnar

Hér má sjá greim 6.8.a í lögum MORFÍs sem fjallar um „tveggja dómara regluna“:

6.8.a    Það lið sigrar sem hlýtur fleiri stig að frádregnum refsistigum ef eftirfarandi á ekki við: Dómarar eru ósammála um sigurlið  og stigamunur þess dómara sem dæmir öðru liði stærstan sigur og þess sem dæmir sama liði stærstan ósigur er jafn og eða meira en 100 stig. Í því tilfelli sigrar það lið  sem fleiri dómarar dæma sigur. Skeri það ekki úr um sigurvegara, þ.e. einn dómara dæmir jafntefli, tekur stigatala aftur afgerandi gildi.

Við munum mæta Menntaskólanum á Ísafirði í 32-liða úrslitum núna á föstudagskvöldið á heimavelli Ísfirðinga. Umræðuefnið er „Ofbeldi leysir ekki vandann“ og mælum við á móti.
Af þessu tilefni ætlum við að skella í eitt risa roadtrip, rúlla á Ísafjörð og fylgjast með nýbakaða MORFÍs liðinu okkar valta yfir þessi Vestfjarðagrey.

Svona verður þetta:

Lagt af stað kl. 11:10 á föstudaginn frá FS. (Frí eftir hádegi fyrir þá sem fara)
Epísk MORFÍs keppni og sigrinum fagnað með pizzuveislu að henni lokinni á föstudagskvöldið.
Gist í Menntaskólanum á Ísafirði.
Rúllað heim á laugardaginn þegar fólk fer að týnast á fætur.

Allt þetta fyrir litlar 3.000 íslenskar krónur.

Skráningarfrestur er fram á miðvikudag. (Takmarkaður sætafjöldi svo endilega bókið ykkur tímanlega ef þið viljið ná ykkur í sæti)
Skráning fer fram á magdalena@nfs.is og á skrifstofu NFS.

Facebook event ferðarinnar

Opnar: 21:30
Lokar: 23:00
Búið: 01:00

NFS: 2.000 kr.
Aðrir: 2.500 kr

Miðasala er í fullum gangi. Tryggðu þér miða STRAX!!